Логотип БилингваБилингваУдмуртский центр билингвизма

Телефон: (8 3412) 687-798

E-mail: udmbilingva@yandex.ru
Контактная информация

Литературные загадки Аллы Алексеевны Кузнецовой

Источник: Вуюись: Покчи нылпиослы хрестоматия / Дасязы А.Н. Уваров, В.Г. Широбоков, В.Т. Кузнецова. ‒ 2-тӥ изд., будэтэмын. ‒ Ижевск: Удмуртия, 1990. ‒ С. 206-208.


Лыктэ ‒ гудыртэ,

Тыпыр эктэ,

Зар-зар бӧрдэ. (Зор)


Тыл сюло клач-тач! вазиз,

Дыбыртӥз бекче, пезьдӥз. (Чилектэм. Гудыртэм)


Сьӧд Макар

Кесяське «кар!»

Со лыктэ ‒

Тудву потэ. (Сьӧд куака)


Китэм-пыдтэм,

Чильтэр керттэм.

Шунды потэ ‒

Чильтэр бӧрдэ. (Гӧртэм)


Шораз учкисько ‒

Асме адӟисько. (Синучкон)


Пӧсь куазен дӥсяське,

Кезьытэн кылиське. (Куаро писпу)


Пуке ныр вылын,

Кукыз пель сьӧрын. (Очки)


Гурезез кырем,

Потэм кыре.

Жальыр жильыртэ,

Сюэз юзматэ. (Ошмес)


Вуын улэ,

Мыйык нуллэ.

Кукыз качы,

Уя капчи ‒

Котькин азьлань,

Нош со берлань. (Рак)


Шорад учкоз ‒

Тустэ пуктоз,

Суредатэк

Суред вуттоз. (Фотоаппарат)


Тук, тук, тук! Тук, тук, тук!

Эскере со писпуэз.

Тук, тук, тук! Тук, тук, тук!

Кыӵе меда висёнэз? (Сизь)


Лымытэм дыръя

Пурысь дӥсяське,

Тол дыр вуэмъя

Тӧдьы воштӥське.

Пельёсыз кузесь,

Чырткем со, кышкась,

Синъёссэ возе

Изьыкуз но пась. (Лудкеч)


Зор бере юртазы

Вить вынъёс ёрказы.

Тордӥзы, куаизы ‒

Шалтырак! ‒ пезьдӥзы. (Кӧжы пуртэс)


Нуйтӥське, туж ӝог будэ,

Бадьпуэз быдэс бине.(Туг)


Пилемлэсь вылэтӥгес

Гожеръя андан душес.

Куаразэ мышказ кельтэ.

Юг тӧдьы лента золтэ. (Реактивной самолёт)


Туж батыр, етӥз

Музъемез портӥз.

Сьӧд сюез ӝутӥз,

Горд изьы шедьтӥз.(Губи)