Логотип БилингваБилингваУдмуртский центр билингвизма

Телефон: (8 3412) 687-798

E-mail: udmbilingva@yandex.ru
Контактная информация

Литературные загадки Фёдора Пукроковича Пукрокова

Источник: Пукроков Ф.П. Милям дормы. Нылпиослы кылбуръёс. ‒ Ижевск: Удмуртия, 1994. ‒ С. 10‒ 23


МАДИСЬКОНЪЁС

ДОРЫСЬ ПУДООС


Со али ‒ одӥг арес,

Но будэ ини

Тушез!

Со

Сьӧраз нуллэ

Ухват,

Ухватсэ

Ноку уг ват.

Со

Уг пӧра

Ухватэн, ‒

Кин лыктэ

Дораз матэ,

Чорк! урдэ но

Кышкатэ.

Озьы ке но,

Со туж ӟеч:

Нап лёлё сётэ

Гурт... (кеч).


Весь со «My!» но «Му»каре,

Уд но вала, мар куре.

«Му»нимало чечыез,

«Му»шуо бусы сюез.

Понэ ай тусяз чечы, ‒

Уз но учкы со отчы!

Нош сюез тусе уд пон,‒

Кыӵе со луоз сиён?!

Со мар ке мукет куре,

Шат соин весь «Му» каре?

Понӥмы турын, силос,

Со тазэ сюлмысь сиёз.

Мон ӧй ке но нимасал,

Котькин сое валасал:

«My!» шуисьлэн нимыз ‒...(скал).


Со туж кӧшкемыт бурсэ,

Леканы мерта

Сюрзэ.

Ӟезьыез ӝутоз, пыроз...

Нимало сое ... (пороз).


Мукетгес верад ке нош,

Со ик нимаське на ... (ош).


Серемед потоз солы,‒

Синмаськем зӧк шубалы.

Коть толзэ,

Коть гужемзэ,

Чик уг куя шубазэ.

Зэм, солэсь мултэс гонзэ

Ӵышкиськом ми гужемзэ.

Кузёез уг шу:

‒ Ыш‒ ыш! Кызьы солэн нимыз?

‒... (Ыж).


Со адӟе ке выль капка,

Сюрыз вырӟымон лека.

Нош ачиз найме:

‒ Быль э-э!

Малы со быдэс кыль-э-э?

Кин ассэ возе та кадь,

Нимало сое … (така).


Со ветлэ сермет ӟезен,

Сиёнэз солэн ‒ сезьы.

Тракторъёс азьло ой вал,

Вань ужез лэсьтэ вал ... (вал).


Мур вуэз со яратэ.

Чыртызэ

Кужмысь нуйтэ,

Пыдъёссэ

Выллань урдэ,

Йырзэ

By пушкы пыртэ.

«А‒га‒га! Га‒га!» ‒ вазе,

Нимаськом сое ... (ӟазег).


Пож вуын со шупыльтэ,

Кыӵе ке сиён шедьтэ.

By пыдсы со зумылэ, ‒

Поттэ мар ке зумытсэ...

Сиемез потон дыръя

Кесяське со:

‒ Кря, кря, кря!

Номыр но уг поты кӧш.

Нимало сое гурт... (чӧж).


Со ваньзэ лэсьтэ мыдлань,‒

Азьлань уг, ӵабъя сьӧрлань,

Вамыштэмезлы быдэ

Йырзэ

Мыд-мыдлань выртэ.

Котькытысь утча

Ю тысь,

Дан поттэ чик ӧвӧлысь:

‒ Мон кенер сьӧры потай,

Кут‒кут‒кут кут‒кут кутай

«Кут кутай», ‒ шуэ ке но,

Со коко сётэ уно. (Курег.)


Ваемын со кыдёкысь,‒

Шунды ӝужан палъёсысь.

Со

Дышем огсямыныз

Весь

Сайкатъя асьмемыз.

Дор палаз весь чортӥське,

‒ Сукари ку‒т! ‒ кесяське.

Лыдӟисе ни, дыр, валаз:

Таизлэн нимыз ... (атас).


БАКЧА СИЁНЪЁС


Ӵуж‒ӵужесь

Синлысъёсыз,

У г ик кыньы соосыз,

Ӵуж синзэ чарак усьтэ,

Ӵуж шунды шоры учке,

Весь шунды сьӧры берга,

Нимаське ... (шундыберган).


Нокин, ноку сое

Уг бышкалты сюе.

Нокин ке но уг бышкалты,

Озьы гинэ уд ишкалты.

Чик уг бышкалто бере,

Кызьы со муэ сюре?

Сого пичи гинэ тысь,‒

Вож будос потэ отысь,

Мур пыртэ

Ӵуж выжызэ,

Кузь поттэ

Вож‒вож быжзэ.

Со сыӵе юмал, ческыт,

Витамин отын тырмыт.

Туж чебер но туж коштан,

Нимаське со ... (ӵуж кушман).


Таизлэн шулдыр

Нимыз:

Отын кык нотаосыз.

Пуртэсэз солэн паньгес,

Кидысэз нош кузялэс,

Сиёно ӧвӧл ыльын,‒

Конялэз вань ... (фасольын).


Мерттыло сое

Сюе,

Сюй ӝуткало убое.

Со будэ музъем пушкын,

Шундылэсь пега отын,‒

Шунды си ке маялтэ,

Ӝог сое вожектытэ.

Котькинлы туж ӟеч тодмо

Та музъем улысь улмо.

Туж дуно котьмар ласянь,

Шуо, со ‒ кыкетӥ нянь!

Гочатэ, ымез ӵушка

Тылын пыжем ... (картошка).


Кин солэсь дӥсьсэ кылёз,

Со ачиз ӝоже кылёз,

Бӧрдоз куаратэк гинэ.

Бӧрдытоз со котькинэ.

Кылиз ке но со

Дӥсьтэк,

Нокытысь дӥсь басьтытэк,

Выль дӥсь пӧрмытоз аслыз.

Дӥсез горд

Я курень-лыз.

Со уте висёнъёслэсь,

Бакчамес ‒ тушмонъёслэсь.

Шунытын возё сое:

Кынмемзэ

Мерттод сюе ‒

Быгылес гумы поттоз,

Гумы туж курыт потоз.

Кӧсын октыны тыршо.

Пуконэн

Вылэ ошо.

Пӧртэмгес таиз пукон:

Пунэмын отчы ... (сугон).


Питырес юртын

Трос агай-вынъёс.

Ог-огзы борды

Ӝиптӥсько соос.

Но соос ӧвӧл

Зэм агай-вынъёс.

Таосты тросэз

Нимало «пиньёс».

Валамон

Мугез:

Та йӧно пинен

Йӧнато пиньзэс.

Ӝытсэ зырало

Нянь кӧме сое.

Векчи вуштыло

Вань колбасае.

Та курыт чысны

Нимаське ... (чеснок).


Бен,

Уд шу сое

Эмезь ...

Со удмурт сямен (кумезь.)


Яратэ гужем шорын

Пыжыны шунды шорын.

Вож бамыз тӧдьыектэ,

Берло ӵыж-ӵыж ӵыжектэ.

Сиёно сое каллен,

Куртчоно сюпсем сямен.

Горд луэ, ява, ымдор,

Пазьгиське со ... (помидор).


Пон ай чакласа ымад,

Уз ни пальккиськы ... (томат).


Таиз

Кеч кадь кечырес.

Вань солэн кузь мыйыкез:

Мае гинэ со шедьтэ,

«Та!» шуытозь, бинялтэ.

Собере ӝутске выллань,

Весь валлань,

Шунды паллань.

Шунытэз со яратэ,

Шуныт ву ке ‒ шумпотэ,

Пиоссэ уно поттэ,

Нош киськад ке

Кезьыт ву,

Емышез кема уг ву,

«Мон кошемисько»,‒ шуэ,

Купырске, кузял луэ.

Ӧд ке басьты кемагес,

Со луэ

Юн кӧмогес,

Лумбыт-уйбыт куректэ,

Куректэ но ӵужектэ.

Кечырске ке но туж ӟеч,

Валады: ӧвӧл со кеч,

Со ‒ будос, нимыз ‒ ... (огреч).


Ӟеч удалтытон вылысь,

Кидыссэ возё куинь ар.

Вае вералом выльысь:

Нимаське на со ... (кияр).


Таиз туж кынме, лэся,‒

Вылаз сю дэрем дӥся.

Пӧсектэ шат собере,‒

Пубызэ гольык каре.

Map паймон маке бен та?

Нимаське со... (кубиста).