Логотип БилингваБилингваУдмуртский центр билингвизма

Телефон: (8 3412) 687-798

E-mail: udmbilingva@yandex.ru
Контактная информация

Литературные загадки Вениамина Никоноровича Ившина

Предлагаем познакомиться с литературными загадками Вениамина Никоноровича Ившина


Литературной мадиськонъёс басьтэмын В.Н. Ившинлэн Ившин В.Н. Ворпо гуждор: 2-3 аресъем нылпиослы лыдӟон книга /В.Н. Ившин. ‒ Ижевск: Удмуртия, 1997. ‒ С. 151-153. книгаысьтыз.


Монэ витёнъязы, инме учкылӥзы. Лыктӥ гинэ мон ‒ ваньзы ватӥськизы. (Зор.)

Тулыс со вожектэ, сӥзьыл со ӵужектэ, усе ке ‒ сьӧдэктэ. Мар со? (Куар.)

Кыз улын корка укнотэм,ӧстэм. Каркалэнпушказ улӥсез лыдтэм. (Кузьыли кар.)

Кин ай со чебер-майбыр писпуын тэтча ӵуштыр? Вай вылтӥ ветлэ кыштыр, пушмульы куада шатыр! (Коньы.)

Со ‒ пурысь тусо, пиньёсыз йылсо. Котыръя лудэз, утча кунянэз. Ыжпиез но со чик уг кар мултэс. (Кион.)

Толэзьлэсь югыт, шубалэсь шуныт, инсьӧры бер ӝыт со кошке шыпыт. (Шунды.)

Пужым улын пал кук йылын кымам тусьты вӧен бусьтыр. (Вӧёгуби.)

Вож бабылилэн ‒ тӧдьы писпулэн ‒ шербетэз но вань, сарваез но вань. (Кызьпу.)

Вож буртчин кадь дэремез, льӧль ӟардон кадь сяськаез, писейлэн кадь гижыез. Ой, ӵабтэ ук чиньыез! (Легезьпу.)

Тӧдьы коӵышпиос пуко бадьпу вайын. Уг мяукто соос, будо сьӧд кӧм сайын. (Пучы.)

Горд Малань ӝужыт укыр, вож венез пужер-ӵогыр. Но уг лу вуриськемез. Кин-о со? Тод мадёнэз! (Пужым.)

Инмысь адӟи мон гурез. Гур тыр ‒ зарни шекерез. Шораз ‒ азвесь кӧмечез. (Кизилиос но толэзь.)

Бусыысь пыдтэм маке куаш! Пыриз бадӟым сике.суйёстэк но киостэк зӧк кызэз ӟукыр выртэ. (Тӧл.)

Позырес нырыныз борддоре со мертчиське. Тумошо ик сямыз: гырк лэсьтэ но кошке. (Портон.)

Туж трос ке но киыз, одӥг гинэ пыдыз. (Писпу.)

Йыр вылэ со пуксем, пельёссэ керттылэм. (Изьы.)

Гур-р! Шуэ, азьлань кошке, ӵуж тулкымъёсты ӵышке. Солэн кузь гумыетӥз быгылес ю тысь киське. (Комбайн.)

Корка быдӟа ву карнан инбамын лоба ялан. Вакчи гинэ мугорыз, коӵолэн кадь кузь быжыз. Шуръёс, лудъёс вадьсытӥ ваньбурез нуллэ етӥз. Милемды но пуктылэ, куное со вуттылэ. (Вертолёт.)


Литературной мадиськонъёс но кескич юанъёс басьтэмын В.Н. Ившинлэн ‒ Ившин В.Н. паймытӥсь дуннеын: Семьяын лыдӟон книга: Веросъёс, выжыкылъёс, кылбуръёс / В.Н. Ившин. ‒ Ижевск: Удмуртия, 2002. ‒ С. 198-200. ‒ книгаысьтыз.


Мадиськонъёс


Кылтэм-ымтэм Кузьма котькинэ визьма. (Книга.)

Ӵук но, ӝыт но вешасько, ялан йырам нуллӥсько, лыдъяны сураськисько. (Йырси.)

Шырк! Но шуытэк, шарк! но вазьытэк, укное пыре, шуныт-югыт вае. (Куазь сактон.)

Пырисьлы но, потӥсьлы но ‒ ваньмызлы кизэ сётэ. (Ӧс кутэт.)

Юг-тӧдьы юбо йылын вож чумолё шаугетылэ. (Кызьпу.)

Учкисез но кык, кылзӥсез но кык, верасез гинэ одӥг. (Синъёс, пельёс но ым.)

Тӧдьы-тӧдьы мамык шур валлин уя тык-мык. (Бус.)

Укмыстон укмыс вынъёс, рад гинэ султылэмъёс, бакча пуме думемын. (Кенер майыгъёс.)

Сӥньысэз лыдъянтэм, бугоре нош биньыны воксё ярантэм. (Чонари вотэс.)

Ачид бен ву ик но, ӵӧж кадь, ву вылын уяськод ук! (Йӧ.)

Лысо писпуос улын венё бугор киргамын. (Ӵушъял.)


Кескич юанъёс


Кыӵе гурезь ассэ «бай!» шуэ? (Байгурезь.)

Кыӵе карнанэз ӵоге уг ошо? (Вукарнанэз.)

Кыӵе тыл югдэ шырлы? (Шыртыл.)

Кыӵе будос будэ ю-нянь лудын но, адями синмын но? (Йыды.)

Кыӵе мулы яратэ кудыез? (Кудымульы.)

Кыӵе губи ассэ ялан шуэ: «Мон ‒ коньылэн, мон ‒ коньылэн?» (Коньыгуби.)

Кыӵе куак серыё? (Серыпу.)

Кыӵе боды кый кадь лек? (Кыйбоды.)

Кыӵе гу йӧэз яратэ? (Йӧгу.)

Кыӵе буба асьме доры толалтэ гинэ лыктэ? (Тол буба.)

Кыӵе писпу бер изьыны косэ? (Беризь.)

Малэн сю лысэз? (Сюлыслэн.)

Кинлэн бурдыз тыло? (Тылобурдолэн.)

Кыӵе тылобурдо ялан сялаське? (Сяла.)

Кыӵе така омыретӥ лоба? (Нюртака.)

Гыр вӧзы лы понӥзы но, кыӵе арбери жонгетыны ӧдъяз? (Гырлы.)

Ми куинь вынъёс. Котькудмылэн одӥг апаймы. Ваньмыз трос-а милям апайёсмы? (Одӥг.)

Уллёын тямыс скал. Тямысэз ик возь вылын сисько. Кыкез жадизы. Турын вылэ выдӥзы. Кӧня скал кылиз? (Тямыс ик кылиз.)

Кыӵе гырлы ялан лыз? (Лызгырлы.)

Азбарысь тушо скал малы му-у! уг шуы, ме-е шуэ? (Гурт кеч.)

Тыметын куать бӧдёно уя. Одӥгез ӟег бусые лобӟиӟ. Кӧняез кылизы? (Нокӧняез но. Бӧдёноос уг уяло.)